line

 

 
-  02.09.2014

D Highlander Basel hän e

ney Proobedomizyyl,


well e scheeni Umgääbig bringt uns aifach vyyl.
Ab em 3. Septämber sin mr hindder em Clarablazz,
im Rappoltshof bi de Mysli, in eme glaine Schazz.
Jewyyls em Mittwuche, wie allewyyl,
verfolge mir e gmainsam Zyyl,
nämmlig Musig mache und s gmietlig haa,
mit dr Gugge und de Duudelsegg vornedraa.
Im Mysli-Käller isch Rauchverbott
me muess also uffe wenn me aini paffe wott
und doobe duet me uff d Lutstärggi achte,
nit dass uns d Noochbere dien verachte.
Es haisst also Ruggsicht nää im Käller und doobe
aichfach nit z fescht ummenandertoobe.
Fir uns isch das jo kai Probleem, doo glaub y draa,
mir wärde bestimmt scheeni Zyt bi de Mysli haa,
Au Gescht wirde mr derte gärn begriesse,
und e Wiidersee mit eych begiesse.
Immer em Mittwuche ab em halber Achti em Oobe,
pinggtlig am Achti wänn mr denne aafoo proobe
Drumm allne härzlig Willkomme uff dr andere Syte vom Rhy,
jezze ligge mr fir d Fasnacht so richtig dryy.

Dr Link zum Käller

www.guggemysli.ch


-  20.03.2014

D Highlander Basel 1997 suech no Manne

D Highlander in iirne gääle Kilt
an dr Fasnacht allewyyl e prächtig Bild
sueche no Manne wo gnueg hän vom Cortège laufe
und allewyl mien e ney Goschtym kaufe
Bi uns derfsch gmietlig Fasnacht mache
ässe, dringge und zämme lache
uff d Gselligkait leege mir e bsundere Wärt
e Fasnacht ooni Stress, ganz unbeschwärt,
wenn dy doo duesch aagschproche fyyle
schryb uff unserer Websyte e baar Zyyle
noo em Yydraag unter www.Highlander.ch
kasch au du gly e gääle Kilt am Ranzze haa.

Wenn de e Bloosinstrumänt spiilsch bisch du gärn gsee
das sogar im Griff hesch, umsoo mee
Au e Paukespiiler mit kräftigem Schlaag,
nämme mr eebefalls gärn under Vertrag
ooder schpiils Duudelsagg und triffsch die richtige Deen
hesch es bi unserer Ehregsellschaft genau so scheen.

Bisch also e Maa, wenn au nimme Taufrisch
das haisst, dass de Fasnachtserfaare bisch
denne hängg dy glyy an unseri Websyte draa
ooder lyt em Markus Jenni unserem Obmaa aa
iiber d Nummere 079 440 94 25 kasch Kontaggt uffnää
und äär dir die neetige Infos gää



Seite: 1 2 3 4 5 6 7 8 9
Login

 

line